Молитва об урожае огурцов Блаженному Исидору, Ростовскому чудотворцу

Молитва об урожае огурцов Блаженному Исидору, Ростовскому чудотворцу

Чтобы ваш огород радовал вас хорошими урожаями, не пренебрегайте молитвами. Испокон веку крестьяне пользовались словом Божьим для хорошего урожая. Тогда земля наградит вас.

О великий угодниче Божий, святый праведный Исидоре! Помози мне грешному, всегда страстию греховной побеждаемому: ты бо еси предстатель и заступник, и скорый помощник в скорбех моих, и усердный ходатай спасения моего.

Ты верою правою и трудом твоим вечныя славы и Царствия Небеснаго сподобился еси, и ныне у Престола Владыки всех, Царя Христа, Бога нашего предстоиши. Темже и молю тя, страстотерпче праведный: помяни мя окаяннаго, в тине греховной валяющагося: уже бо не могу возвести очи мои к горнему Сиону, зане связан есмь сетьми диавольскимии и попеченьми житейскими.

Избави мя молитвами твоими от всех злых наветов вражиих и от всякаго греха, да прииму исцеление от язв греховных, от вселютейшаго змия наложенных мне.

Все житие мое окаянных аз во сластех мира сего изнурих, и не имам помощника, и не вем к кому прибегнути, да подаст ми руку помощи. Сего ради к тебе прибегаю и сице молюся: о святый праведный Исидоре! Подаждь ми помощь в день Страшнаго Суда: егда приидет Сын Человеческий судити всех, тогда умоли Того страшнаго и нелицемернаго Судию, да не осудит мя по беззаконием моим, но да поставит одесную Себе по велицей милости Своей.

Помолимся Владыце Христу Богу, да и в нынешнем веце милостив будет нам грешным и недостойным рабом Своим, и да утвердит мысль нашу, еже отвратитися нам от всякаго зла и соблюдати спасительная Его заповеди, и прочее время жития нашего преити в покаянии и соблюдении Божиих заповедей, да достигше Небесных обителей, непрестанно славим Единаго Триипостаснаго Бога, Отца, и Сына, и Святаго Духа, ныне, и присно, и во веки веков. Аминь.