Молитвы о покровительстве садоводам мученику Фоке Вертоградарю

Молитвы о покровительстве садоводам мученику Фоке Вертоградарю

Молитва первая. Мученик Твой, Господи (свое имя), во страдании своем венец прият нетленный от Тебе Бога нашего имеяй бо крепость Твою, мучителей низложи, сокруши и демонов немощныя дерзости того молитвами спаси души наши.

Звезда светлая явился еси непрелестная мирови, Солнца Христа возвещающи зарями твоими, страстотерпче (имя), и прелесть погасил еси всю, нам же подаеши свет, молися непрестанно о всех нас.

Молитва вторая. О святый угодниче Божий, мучениче Фоко! Подвигом добрым подвизався на земли, восприял еси на Небесах венец правды, егоже уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтем святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякого зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимого Бога, Отца и Сына и Святаго Духа, ныне и во веки веков. Аминь.