Молитвы

Молитвы

Молитвы для обретения настоящей любви

Молитва праведному Филарету Милостивому

К праведному Филарету Милостивому обращаются с просьбами помочь в обретении любви и счастливого брака.

Согласно преданию, праведный Филарет, живший в VIII в. в Малой Азии, некогда был богат и знатен, но, заботясь о своей душе, почти все свое состояние он раздал нищим. Жена и дети упрекали его за это, но милосердие его, терпение и вера были так велики, что Господь щедро наградил его – к нему не только вернулось богатство, но и одна из его внучек стала супругой императора Константина Багрянородного.

Боже святый и во святых почиваяй, трисвятым гласом на небеси от ангел воспеваемый, на земли от человек во святых Своих хвалимый, давый Святым Твоим Духом коемуждо благодать по мере дарования Христова, и тою поставивый Церкви Твоей Святей овы апостолы, овы пророки, овы же благовестники, овы пастыри и учители, ихже словом проповеди, Тебе Самому действующему вся во всех, мнози совершишася, святи в коемждо роде и роде, различными благодетельми благоугодившии Тебе, и к Тебе, нам образ добрых подвигов своих оставивше, в радости прешедшии, готови, в нем же сами искушени быша, и нам напаствуемым помогати. Сих святых всех и (имя святого) воспоминая и их богоугодное похваляя житие, Тебе Самаго, в них действовавшаго, восхваляю, и онех благотворения Твоя дарования быти веруя, прилежно молю Тя, Святе святых, даждь ми грешному последовати их учению, житию, любви, вере, долготерпению, и их молитвенною помощию, паче же Твоею вседействующею благодатию, небесныя с ними сподобитися славы, хваляще Пресвятое имя Твое, Отца и Сына и Святаго Духа вовеки. Аминь.

Молитва Святителю Николаю Угоднику, архиепископу Мирликийскому

И при жизни, и после смерти своей угодник Божий Николай Чудотворец прославился чудесной помощью, которую он подавал людям в самых разных нуждах. С молитвой к этому святому нередко обращаются, когда хотят избавиться от одиночества и обрести счастье с достойным человеком.

О великий заступниче, архиерею Божий, Николае преблаженне, иже подсолнечную осиявый чудесы, призывающим же тя скорый услышатель являйяся, ихже присно предваряеши и спасаеши, и избавляеши, и от бед всяче ских изъимаеши, от Бога данною ти чудес и даров благодатию! Услыши мя недостойнаго, с верою тя призывающа и молебное тебе приносяща пение; тебе бо ходатая на умоление ко Христу предлагаю. О пресловущий в чудесех, святителем высото! яко имеяй дерзновение, скоро Владыце предстани, и преподобнии свои руце молебне к Нему простри о мне грешнем, и от Него щедроты благости подаждь ми, и приими мя в свое заступление, и от всех бед и зол мя избави, от нашествия врагов видимых и невидимых свобождая, и тех всех наветы и злохитрства погубляя, и борющих мя во всей жизни моей отражая; прегрешением же моим прощение испроси, и спасена мя Христу представи и Царствия Небеснаго сподоби улучити за множество того человеколюбия, емуже подобает всяка слава, честь и поклонение, со безначальным его Отцем, и с Пресвятым и Благим и Животворящим Духом, ныне и присно и во веки веков.

Молитва к блаженной старице Матроне

Чудесным образом Ванга узнала о существовании московской святой – блаженной старице Матроне, своей современнице. Многие люди, знавшие о жизни обеих пророчиц, удивлялись тому, как много у них было общего. И Матрона и Ванга происходили из бедных крестьянских семей и обе имели на своем теле с рождения знак, указывающий на их избранность Богом. Ванга потеряла зрение в детстве, Матрона же появилась на свет, лишенная способности видеть.

Дар прорицательства и целительства проявился у обеих женщин в раннем возрасте, и на протяжении всей жизни своей Божий дар они использовали только на благо людям.

Вот к этой святой с молитвами и направляла Ванга тех людей, которые мечтали о семейном счастье и благополучии.

О блаженная мати Матроно, услыши и приими ныне нас, грешных, молящихся тебе, навыкшая во всем житии твоем приимати и выслушивати всех страждущих и скорбящих, с верою и надеждою к твоему заступлению и помощи прибегающих, скорое поможение и чудесное исцеление всем подавающи; да не оскудеет и ныне милосердие твое к нам, недостойным, мятущимся в многосуетнем мире сем и нигдеже обретающим утешения и сострадания в скорбех душевных и помощи в болезнех телесных: исцели болезни наша, избави от искушений и мучительства диавола, страстно воюющаго, помози донести житейский свой Крест, снести вся тяготы жития и не потеряти в нем образ Божий, веру православную до конца дней наших сохранити, упование и надежду на Бога крепкую имети и нелицемерную любовь к ближним; помози нам по отшествии из жития сего достигнути Царствия Небеснаго со всеми угодившими Богу, прославляюще милосердие и благость Отца Небеснаго, в Троице славимаго, Отца и Сына и Святаго Духа, во веки веков. Аминь.

Молитва ко святой блаженной матери нашей Ксении Петербургской

Подвиг этой русской святой, отказавшейся от материальных благ, и даже от разума своего, избравшей жизнь юродства во имя своей любви, сделал ее источником помощи для тех людей, которые мечтают о чистой и верной любви на всю жизнь.

О препростая образом жития своего, бездомная на земли, наследнице же обителей Отца Небеснаго, блаженная страннице Ксение!

Якоже прежде к надгробию твоему недужнии и скорбнии припадавшии и абие утешениями исполняемии, сице ныне и мы, обуреваемии тлетворными обстоянии, тебе прибегающе, с надеждою просим: помолися благая небошественнице, дабы исправилися стопы наша по словеси Господню к деланию заповедей Его, и да упразднится богоборное безбожие, пленившее град твой и страну твою, повергающее нас многогрешных в смертное братоненавидение, гордое самовозбешение и хульное отчаяние.

О блаженнейшая Христа ради, посрамившая суемудрость века сего, испроси у Творца и Подателя всяче ских благ даровати нам смирения, кротости и любве в сокровище сердца нашего, веры в укрепление молитвы, надежды в покаянии, крепости в многотрудном житии, милосерднаго исцеления души и тела нашего, целомудрия в су пружестве и благопопечения о ближних и искренних своих, всего жития нашего обновление в чистительней бане покаяния, яко да всехвально воспевающе память твою, прославим в тебе чудодействующаго Отца и Сына и Святаго Духа, Троицу Единосущную и Нераздельную во веки веков. Аминь.

Молитва Пресвятой Богородице перед иконой Ее «Казанская»

«Казанская» икона Божьей Матери – один из самых почитаемых в православии образов. Чаще всего именно ею священник благословляет молодых супругов во время совершения Таинства венчания. Перед этой иконой испокон веков возносят молитвы об обретении чистой и крепкой любви.

О Пречистая Владычице Богородице, Царице небеси и земли, вышшая ангел и архангел и всея твари честнейшая, чистая Дево Марие, миру благая помощнице и всем людем утверждение и во всяких нуждах избавление! Призри и ныне, Госпоже Всемилостивая, на рабы Твоя, Тебе умиленною душею и сокрушенным сердцем молящияся, со слезами к Тебе припадающия пречистому и цельбоносному образу Твоему, и помощи и заступления Твоего просящия. О Всемилостивая и Премилосердая Дево Богородице чтимая! Воззри, Госпоже, на люди Твоя: мы бо, грешнии, не имамы иныя помощи, разве Тебе и от Тебя рождшагося Христа Бога нашего. Ты еси заступница и предстательница наша, Ты еси обидимым защищение. Скорбящим радование, сирым прибежище, вдовам хранительница, девам слава, плачущим веселие, больным посещение, немощным исцеление, грешным спасение. Сего ради, о Богомати, к Тебе прибегаем и на Твой пречистый образ с превечным на руку Твоею держимым младенцем, Господем нашим Иисусом Христом взирающе, умиленное пение Тебе приносим и вопием: помилуй нас, Мати Божия, и прошение наше исполни, вся бо суть возможна ходатайству Твоему: яко Тебе слава подобает ныне и присно и во веки веков. Аминь.

Молитва Апостолу Андрею Первозванному

Святой Андрей стал первым апостолом Иисуса Христа, позже он привел к вере и своего брата Петра. После Вознесения Господня Андрей Первозванный прошел с проповедью христианства от Малой Азии до гор, которые теперь именуются Киевскими. Здесь он водрузил крест, благословляя землю будущей Руси. По традиции к апостолу Андрею обращаются с просьбами о создании семьи с хорошим человеком.

Первозванне апостоле Бога и Спаса нашего Иисуса Христа Церкве последователю верховный, всехвальне Андрее, славим и величаем апостольским труды твоя, сладце поминаем твое благословенное к нам пришествие, ублажаем честная страдания твоя, яже за Христа претерпел еси, лобызаем священныя мощи твоя, чтим святую память твою и веруем, яко жив Господь, жива же и душа твоя и с Ним вовеки пребываеши на Небеси, идеже и любиши ны тоюжде любовию, еюже возлюбил еси нас, егда Духом Святым прозрел еси наше еже ко Христу обращение, и не точию любиши, но и молиши о нас Бога, зря во Свете Его вся нужды наша. Тако веруем и тако сию веру нашу исповедуем во храме, иже во имя твое, святый Андрее, преславно создася, идеже святыя мощи твоя почивают; верующе же, просим и молим Господа и Бога и Спаса нашего Иисуса Христа, да молитвами твоими, яже присно послушает и приемлет, подаст нам вся потребная ко спасению нас грешных; да якоже ты абие по гласу Господа, оставль мрежи своя, неуклонно ему последовал еси, сице и кийждо от нас да ищет не своих си, но еже к созиданию ближняго и о горнем звании да помышляет. Имуще же тя предстателя и молитвенника о нас, уповаем, яко молитва моя много может пред Господем и Спасителем нашим Иисусом Христом, Емуже подобает всякая слава, честь и поклонение со Отцем и Святым Духом во веки веков. Аминь.

Молитва великомученице Екатерине

Дочь правителя Александрии Египетской Конста Екатерина, жившая в IV в., славилась своей красотой и умом. Отвергнув всех претендентов на ее руку и сердце, она объявила, что мужем ее станет тот, кто будет выше ее и по знатности, и по красоте, и по уму.

По велению Пресвятой Девы и Богомладенца, явившихся ей в чудном видении, Екатерина приняла святое Крещение. После этого Всевышний обручил ее себе, надев ей на палец перстень, который она обнаружила после пробуждения.

Храня верность своему небесному жениху, Екатерина отказала языческому императору Максимину, предложившему ей супружество, и приняла мученическую смерть от руки палача.

О святая Екатерино, дево и мученице истинная Христова невесто! Молим тя чрез особливую благодать, еюже предвари тя Жених твой, Сладчайший Иисус: якоже посрамивши прелести мучителя, мудростию твоею пятдесят ветий победила еси и, напоивши их Небесным учением, к свету истинныя веры наставила еси, тако испроси и нам оную Божию мудрость, дабы и мы, расторгнувше вся козни адскаго мучителя и презрев мира и плоти соблазны, достойны явимся Божественныя славы и к разширению святыя нашея православныя веры сосуды достойны соделаемся, и с тобою в Небесной скинии Господа и Владыку нашего Иисуса Христа хвалим и прославляем во вся веки. Аминь.

Молитвы на обретение счастья в семейной жизни

Молитва супругов при бракосочетании

Господи Боже наш, во спасительном Твоем смотрении сподобивый в Кане Галилей стей честный показати брак Твоим пришествием, Сам ныне рабы Твоя (имена) яже благоволил еси сочетатися друг другу, в мире и единомыслии сохрани; честный их брак покажи, нескверное их ложе соблюди, непорочное их сожительство пребывати благослови и сподобия к старости маститей достигнути, чистым сердцем делающе заповеди Твоя. Ты бо еси Бог наш, Бог еже миловати и спасати, и Тебе славу воссылаем, со Безначальным Твоим Отцем, Всесвятым и Благим и Животворящим Твоим Духом, ныне и присно и во веки веков. Аминь.

Молитва благоверному князю Петру, в иночестве Давиду, и княгине Февронии, в иночестве Евфросинии, Муромским чудотворцам

Святые Петр и Феврония Муромские – Богом избранные супруги, которые любовью своей и верностью, как при жизни, так и после кончины своей, примером стали для всех православных людей.

Их молят о сохранении любви и брака, о взаимопонимании и уважении между супругами.

О велицыи угодницы Божии и предивнии чудотворцы благовернии княже Петре и княгине Февроние, града Мурома предстатели и хранители, и о всех нас усерднии ко Господу молитвенницы! К вам прибегаем и вам молимся с упованием крепким: принесите за нас грешных святыя молитвы ваша ко Господу Богу и испросите нам у благости Его вся благопотребная душам и телесем нашим: веру праву, надежду благу, любовь нелицемерну, благочестие непоколебимое, в добрых делех преуспеяние, мира умирение, земли плодоносие, воздуха благорастворение, душам и телесем здравие и вечное спасение. Исходатайствуйте у Царя Небеснаго: верных рабов Его, в скорби и печали день и нощь вопиющих к Нему, многоболезный вопль да услышит и да изведет от погибели живот наш. Испросите Церкви святей и всей державе Российстей мир, тишину и благоустроение, и всем нам житие благополучное и добрую христианскую кончину. Оградите отечество ваше, град Муром, и вся грады Российския от всякаго зла и вся правоверныя люди, к вам приходящия и мощем покланяющияся, осените благодатным действом благоприятных молитв ваших, и вся прошения их во благо исполните. Ей, чудотворцы святии! Не презрите молитв наших, со умилением вам возносимых, но будите о нас приснии предстатели ко Господу и сподобите нас помощию вашею святою спасение вечное получити и Царствие Небесное унаследовати; да славословим неизреченное человеколюбие Отца и Сына и Святаго Духа, в Троице покланяемаго Бога, во веки веков. Аминь.

Молитва святой мученице Параскеве Пятнице

Святая мученица Параскева, обезглавленная по приказу гонителя на христианскую веру императора Диоклетиана в III в. издавна почитается православным народом как хранительница чистой любви, семейного счастья и благополучия. Перед ее иконами и молятся об обретении счастья в браке.

О святая и преблаженная мученице Христова Параскево, красото девическая, мучеников похвало, чистоты образе, великодушных зерцало, премудрых удивление, веры христианския хранительнице, идольския льсти обличительнице, Евангелия Божественнаго поборнице, заповедей Господних ревнительнице, сподобльшаяся приити ко пристанищу вечнаго покоя и в чертозе Жениха твоего Христа Бога светло веселящаяся, сугубым венцем девства и мученичества украшенная! Молим тя, святая мученице, буди о нас печальница ко Христу Богу, Его же преблаженнейшим зрением присно веселитися; моли Всемилостиваго, иже словом очи слепым отверзе, да избавит нас от болезни очес наших, телесных вкупе и душевных; разжени твоими святыми молитвами темный мрак прибывший от грехов наших, испроси у Отца Света свет благодати душевным и телесным очесем нашим; просвети нас, омраченных грехми, светом Божия благодати, да твоих ради святых молитв дастся безочесным сладкое зрение. О великая угодница Божия! О мужественнейшая дево! О крепкая мученице святая Параскево! Святыми твоими молитвами буди нам грешным помощница, ходатайствуй и молися о окаянных и зело нерадивых грешницех, ускори на помощь нам, ибо зело немощны есмы. Моли Господа, чистая девице, моли Милосердаго, святая мученице, моли Жениха твоего, непорочная Христова невесто, да твоими молитвами пособствоваши, мрака же греховнаго избывше, во свете истинныя веры и деяний Божественных внидем во свет вечный дне невечерняго, во град веселия приснаго, в немже ты ныне светло блистаеши славою и веселием безконечным, славословящи и воспевающи со всеми Небесными Силами Трисвятительное Единое Божество, Отца и Сына и Святаго Духа, ныне и присно и во веки веков. Аминь.

Данный текст является ознакомительным фрагментом.