2. Мефодий ПАТАРСКИЙ (IV или VII в.), из трактата «Откровения»

2. Мефодий ПАТАРСКИЙ (IV или VII в.), из трактата «Откровения»

Погублену же бывшу царству Перскому встанут абие сынове Измайловы и Агарене, писанием мышцу южную нарече их Даниил, и сопротиветсе царству греческому числом круга седморичного и седморично время, зане приближисе кончина и несть долготы летом ктому. В последний бо тисущницу сиречь в седмую искоренитсе Перское царство и потом изыдет семе Измаилево сущее в Етриве и исходеще соберутся в Гаваоне вкупе. <...> И будет пришествие их показание немилостивно. Предпо-идут же пред ними на землю язвы 4 пагуба, губительство, тле и запустение. Глаголет бо Бог к Израилю Моисеом: «Не зане любит те Господь

Бог, дает ти наследити землю сию, но за грехи живущих на ней». Сице и сыновом Измаилевом не зане любит их Господь Бог даст им силу одержати вса земле христианскуа, но за безаконие их и грехы. Точна бо тем скорбь не бысть ниже имат быти во всех род ex. Ибо облачахусе мужие в любодеивых жен и блудных ризы и яко жены сице украшах и стояху по друмовох и торгох градскых явственно, пременивше естественный образ в чрезьестественный, и якоже рече святый апостол такожде глаголе и жены тажде деют яже и мужие. Собираху бо се над единою женою отец вкупе и сын еще же и все сродство их, не ведоми бо беху блудницами. Темже премудрый апостол прежде времен многиих возопи, глаголюще: «сего ради пред аде их Бог в искушения безчестия, ибо жены их преложите женский свой образ в мужскый, такожде же и мужие свое естество в женское и раждегошеся в похотех своих друг на друга, мужие в мужех бестудства деюще и возмездие достойное прельсти их в себе восприемлюще. Сего ради убо Бог предаст их в руце варваром, от них же впадут в грех и осквернетсе жены их скверненными и наложат на них иго свое сынове Измаилиевы. <...>

По скорби же Измаилитстей гоними, оскорбляеми и не имеще надежду спасения или избавления из руку Измаилтен, проженут бо их и оскорбет хвалещесе о победах своих <...>, облачещеся и красещися якы жениси и похуливше рекут: «не имет избавления из руку нашею христиане».

Тогда внезапу въстанет на них Царь елинскы сиречь греческы с яростию великою. Пробуди бо се яко человек от вина, дерзостен сый, егоже вменеху человеци яко мертва суща и ничимже потребна. Той убо изыдет к ним от море Ефиопскаго и воздвигнет оружие на них в Етриве отечестве их и попленит жены и чада их <...> И будет иго Царя Греческаго на них седмь седмицею паче еже бе иго их на Грецех. <...> И будет ярость Царя Греческаго на отвергшихся Господа нашего Иисуса Христа и умиритсе земле и будет тишина на земли, якова же не бысть ни имат быти, понеже последняя есть година. И на конец века будет веселие на земли и веселетсе человеци с миром. И обновят грады и свободетсе священници от бед своих и почиют человецы во время оно от скорбей своих. Рече бо: «Егда рекут мир и утверждение, тогда нападет на них пагуба», якоже и Господь в евангелии глаголаше: • «Якоже беху человецы во дни Ноевы ядуще и пиюще, женешесе и посягающе, сице будет и в последний дне...