На хульного беса

«Запрешает ти Господь, вселукавый диаволе, пришедый в мир Пречистою Приснодевою Марией, истинною Богородицею, на спасение миру, нас ради грешных; проклят еси, диаволе, и вся неприязненная твоя помышления, яже во дни и в нощи заклинаю тя именем святыя единосущныя Троицы, Отца и Сына и Святаго Духа: отступите от меня, раба Божия (имя рек), не влагати в сердце мое помысл неприязненных, но отиди в место пусто и безводно, иде же не присещает Господь. Заклинаю тя, нечистый демоне, имянем Господа нашего Иисуса Христа: не блазните мене нощию лукавыми твоими мечтании, и внегде творити ми вся молитвы моя ко Господу Богу моему, но да будет всяко помышление твое дневное и нощное с тобою в день судный, аз бо Господу Богу моему служу и Тому единому молитву свою возсылаю, во дни и в нощи, тебе упражняющу, мене же милующу и укрепляющу, за многую благость и милость; иди от меня, сатана, и вся неприязненная твоя, и противная сила, да будет со мной Божья сила, яко благословися и прославися, пречистое и великолепное имя твое Отца и Сына и Святаго Духа, ныне, и присно, и во веки веков, аминь».